Чеченистон раҳбари Рамзан Қодиров ўзини «Путиннинг пиёда аскари» номига ҳали лойиқ эмас, деб ҳисоблайди. Бу ҳақда у «ТАСС»га берган интервьюсида айтиб ўтди.
«Мен президентга содиқман. Чексиз даражада. Бошқа ҳеч кимга ўхшамаган тарзда. Владимир Владимировичнинг соқчилари, махсус топшириқли бўлинмалари бор, аммо мен унга хизмат бўйича эмас, шахсан содиқман. Мен ундан ҳаётим учун қарздорман… Бир марта мен ўзимни Путиннинг пиёда аскари деб атагандим, шунда бу иборага дарҳол ёпишиб олишди, бироқ ҳозирча ҳатто бу номга ҳам лойиқ эмасман», — деди Қодиров.
Шу билан бирга, Чеченистон раҳбари Россия президентидан тушган энг қийин топшириқни олий мукофот сифатида қабул қилишини таъкидлади.
Изоҳ (0)