Чеченистон раҳбари Рамзан Қодиров мактабда унинг фарзандларига ноҳақ тарзда юқори баҳо қўйган ўқитувчи ишдан ҳайдалишини ва минтақада бошқа ишламаслигини айтди, деб ёзади «ТАСС».
«Агар менинг фарзандимга ноҳақ тарзда юқори баҳо қўйишса, ушбу ўқитувчи республикада ишламаслиги учун қўлимдан келганини қилардим. Болаларни хафа қилиш нимага керак? Қош қўяман деб, кўз чиқариш керак эмас, уларнинг ўзлари барча нарсага эриша олади», — деди Қодиров нашрга берган интервьюсида.
Чеченистон раҳбари сўзларига кўра, у фарзандлари Қуръон ўқишидан энг кўп фахрланади.
«Адам Қуръон ўқишни уч ёшидан бошлаган. Араб тилидаги олти юз саҳифа матн. Ёддан! Параллель тарзда рус тили, инглиз тили, спорт, рақс билан шуғулланган. Болаларга Қуръонни ёд олиш имконини берганимдан фахрланаман», — дея таъкидлади Қодиров.
Изоҳ (0)