Сурияда мисрлик ҳарбий хизматчилар фаолият олиб бормаяпти. Бу ҳақда Миср ТИВ расмий вакили Аҳмад Абу Зайд маълум қилди, дея хабар беради «ТАСС».
«Вазирлик қатор араб ОАВларида пайдо бўлган Миср ҳарбийларининг Сурияда бўлиб тургани ҳақидаги маълумотларни рад этади, — дея таъкидлади Абу Зайд. — Миср бошқа давлатларнинг ички ишларига аралашмаслик тамойилига содиқ қолмоқда. Хорижга ақалли биргина мисрлик аскар ёки ҳарбий техникани юбориш учун маълум бир конституциявий ва ҳуқуқий чораларни қабул қилишга тўғри келади».
Олдинроқ айрим маҳаллий ва минтақавий ОАВлар Миср ҳарбийлари Сурияда ҳукумат қўшинларига ёрдам бераётгани ҳақида бир неча бор хабар берганди. Жумладан, яқинда Қоҳира Сурия ҳарбий-ҳаво кучларига кўмак бериш учун 8 нафар вертолёт учувчисини жўнатгани даъво қилинди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)