Молдованинг янги сайланган президенти Игорь Додон Руминия собиқ президенти Траян Бэсеску билан учрашишдан бош тортганини маълум қилди, деб ёзади «Интерфакс».
Тегишли изоҳни у 27 ноябрь, якшанба куни Facebook’да Бэсескунинг Додон унинг маслаҳатларига қулоқ тутиши кераклиги ҳақидаги баёнотига жавобан ёзди.
«Демак шу сабабли Траян Бэсеску қўнғироқ қилиб, у билан учрашишни сўраган экан-да? — деб ёзди Додон. — Маслаҳат бермоқчимидингиз? Менга омадсиз унионистнинг на маслаҳатлари, на тажрибаси керак. Баъзан ундаги сиёсий тажрибага эга бўлгандан кўра, ҳеч қандай тажрибасиз бўлган яхшироқ».
Руминия парламентига сайловлар бўйича кампания чоғида сайловчилар билан учрашувлар доирасида Молдовада бўлиб турган Бэсеску Додонга «истеъфо бериш ва ўз вақтини бекорга сарфламаслик»ни маслаҳат беришини айтди.
Ўз навбатида Молдованинг янги сайланган президенти Руминиядаги муваффақиятсизликдан сўнг Бэсеску Молдовада партия ёки унионлик ҳаракатини тузмоқчи эканлигини ва энди «ўзини давлатчи бўлган президент ёнида эканлигини кўрсатиш учун» йўл излаётганини тахмин қилди.
Изоҳ (0)