Франциянинг Le Monde газетаси Куба инқилоби етакчиси Фидель Кастронинг ўлимига бағишланган, муаллифи эса 2001 йилда вафот этган журналист ва ёзувчи Марсель Нидерганг бўлган таъзияномани чоп этди.
«Куба инқилобининг отаси Фидель Кастро 90 ёшида оламдан ўтди» дея номланган мақолада Кастро мухолифатчиларни таъқиб этгани ва сўз эркинлигини чеклагани учун танқид қилинган. Муаллиф Кастрога «жаҳлдор, қўпол, айёр ва муғомбир арбоб» деб таъриф беради, шу билан бирга, унинг ақлли ва ўта меҳнаткашлиги, кучли хотира ва ноёб нотиқлик қобилиятига эга эканлигини тан олади.
Саломатлиги охирги йилларда хавотир уйғотган Фидель Кастронинг ўлими ҳақидаги сохта хабарлар бот-бот пайдо бўлган. Шу боис кўплаб нашрлар унинг қазо қилгани ҳақида олдиндан таъзияномалар тайёрлаб қўйганди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)