Бош вазир виртуал қабулхонаси орқали фуқаролардан тушаётган кўп сонли сўровлар туфайли Ягона интерактив давлат хизматлари порталида давлат органларига мурожаатлар юбориш чоғида талаб қилинадиган мажбурий электрон рақамли имзо бекор қилинди. Бу ҳақда Ўзбекистон Ахборот технологиялари ва коммуникацияларини ривожлантириш вазирлигига таяниб, «Газета.uz» хабар берди.
Ягона портал орқали нафақат ариза қолдириш, балки давлат органлари раҳбарлари қабулига ҳам ёзилиш мумкин.
Вазирлик эслатишича, бош вазир виртуал қабулхонаси (pm.gov.uz) ва Ягона порталдан ташқари, вазирликлар ва идоралар раҳбарларининг ҳам шахсий онлайн-қабулхоналари мавжуд.
Изоҳ (0)