«Ўзбекистон Республикаси Президенти сайловини ёритишда мамлакат нодавлат телерадиостудиялари томонидан халқаро стандартларнинг қўлланилиши: миллий тажриба ва дунё амалиёти» мавзусидаги халқаро давра суҳбати «Президент сайлови мамлакат нодавлат телерадиостудиялари томонидан қандай ёритилмоқда?», «Мамлакатдаги мустақил студиялар халқаро стандартларга риоя этяптими?», «Тарғибот фаолияти давомида партиялар ва номзодларнинг ҳуқуқлари бузилмаяптими?» каби саволлар билан очилди. Бу ҳақда «Дарё»га Ўзбекистон Электрон ОАВ миллий ассоциацияси матбуот хизмати маълум қилди.
Илғор тажрибани ўрганиш ва ундан ўз контентини яратишда фойдаланиш медиа-соҳа учун биринчи рақамли вазифага айланди. Жануби-шарқий Европада ОАВни ривожлантириш бўйича эксперт, SEECOM президенти, коммуникациялар бўйича Европа директорлар кенгаши ассоциацияси аъзоси (EACD) Огниан Златев (Болгария) бу ташаббусни ижобий баҳолайди:
«Ўзбекистон ОАВ халқаро тажрибаларни татбиқ этаётгани жуда яхши, яна бир муҳим жиҳат — экспертларни таклиф қилишмоқда. Бу эса мамлакатдаги ОАВ илғор тажрибаларга риоя қилаётганидан далолатдир ва бу уларнинг фаолиятларида ёрдам беради. Фикримча, бу ерда умуман барча иш халқаро стандартларга мувофиқ амалга оширилмоқда. Экспертлар таъкидлаганидек, ОАВнинг сайловни ёритиш жараёнидаги иши барча номзодлар тенг имкониятларга эга бўлишлари учун балансланган ва виждонан, ҳалол бўлади».
Яна бир янгилик нодавлат тележурналистлар ғарбда урф бўлган ток-шоу тайёрлашга қарор қилди ва бу борада ҳам муваффақиятга эришди. МСК ходимлари, Ўзбекистон парламенти депутатлари, сиёсий партиялар, Президентликка номзодларнинг ишончли вакиллари, шунингдек талаба ёшлар иштирокидаги «Менинг овозим» тобора кўпроқ мухлисларни ўзига жалб этмоқда. Бугун кўрсатув нодавлат эфирда энг юқори рейтингга эга бўлган дастурлардан бири ҳисобланади. Эътиборлиси, унинг асосий «ишқибозлари»лари, шунингдек, бошловчилари ҳам ёш авлод вакилларидир.
«Бугун биз Ўзбекистонда нодавлат оммавий ахборот воситалари аҳоли ўртасида жамоатчилик фикрини шакллантириш учун янада керакли сиёсий куч бўлиб бораётганини кузатяпмиз. Менга Ўзбекистонга келиш ва сайловга тайёргарлик жараёнини кузатиш жуда ёқимли бўлди. Айниқса, ахлоқсиз лексика, таҳдидлар, умуман дуч келган нарсалар қўлланган Америкадаги сайловдан кейин. У ерда номзодлар ток-шоу вақтида бир-бирларини ўлдириб қўйишларига оз қолди. Республикангиз бутунлай бошқа йўлдан боргани ва бу йўлда давом этаётганидан хурсандман», — деб таъкидлади Страдин номидаги Рига университети Европа тадқиқотлари факультети профессори, «Baltic-Sourse.com» интернет-журнали халқаро кузатувчиси Юджин Этерис (Латвия).
Айнан ушбу фикрни Латвиянинг «БНС» таҳририяти халқаро янгиликлар муҳаррири Алвис Эглитис давом эттирди: «Мен, хусусий телестудиялардан бири сайловга бағишланган ток-шоуни тасвирга олаётгани шоҳиди бўлдим, унда партиялар вакиллари нима учун айнан ўзларининг номзодлари мамлакат Президенти бўлишини исташларини исботлаб беришди. Шу билан бирга, ОАВда партияларнинг позициялари ва президентликка номзодларнинг сайловолди дастурлари етарлича кенг ёритилаётганини кўрдим. Булар менга ҳозирги кунда Ўзбекистонда сайловолди курашини ёритишда замонавий журналистик усуллар жуда фаол қўлланилаётгани ҳақида ҳулоса чиқариш имконини беради».
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)