«Даракчи» нашри билан суҳбат қурган актриса Дилноза Кубаева «Кечиккан ҳаёт»даги образини ҳамкасбларидан исталган бири ундан яхшироқ ўйнай олишига иқрор бўлди.
«Фильмнинг бошидаги лавҳани негадир олиб ташлашган. Шифохонада қаҳрамонимга онасининг вафот этганини айтишади. У дод солиб йиғламайди, ундан ҳам баттар аҳволга тушиб, букилиб, эгилиб қолади. Балким ижром яхши чиқмагандир... Шу жойи қирқилган. ‘Кечиккан ҳаёт’ ҳақида гапириш мен учун бироз қийин. Киносиновга чақиришганида, барибир мени олишмайди, чунки бу қаҳрамон мен эмасман, деб боргандим. Лекин ростини айтишим керак, агар бу ролни мендан бошқа актриса ижро қилганида яхшироқ ўйнаган бўларди».
Журналист Дилдора Юсуфбекова Шаҳодат ролида Кубаевадан бошқасини тасаввур қила олмаслигини айтганида актриса шундай жавоб қайтарди:
«Мен эса аксинча, ўзимдан бошқа ҳамма актрисани Шаҳодат қиёфасида тасаввур қилиб кўрганман».
Дилноза Кубаевани чўчитган роллар борми?
«Бор! ‘Кечиккан ҳаёт’ чўчитган. ‘Баронъдаги ролим ҳам шундай. Рол кичик бўлгани учун, вазифаси катта эди. Фарҳод Маҳмудов турмуш ўртоғим эканини бир вақтнинг ўзида билдиришим, бир вақтнинг ўзида сездирмаслигим керак. Кўп муддат кўришмаганман, соғинганман, учрашганимизда эса соғинчимни сездирмаслигим ва бир вақтнинг ўзида ҳисларимни билдира олишим лозим. Қийин-да бу», — дейди Дилноза Кубаева.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)