Хитойнинг барча йирик аҳоли яшаш пунктларида тамаки маҳсулотлари чекишни тақиқлаш режалаштирилмоқда. Шу пайтга қадар тақиқ мамлакат пойтахти ҳамда 19 та йирик шаҳрида амал қилиб келаётган эди, деб хабар беради «ТАСС».
ХХР соғлиқни сақлаш ва режали туғиш давлат қўмитаси матбуот котиби Мао Цюньань бу ҳақда журналистлар билан мулоқот чоғида баёнот берди.
«Бу муаммони ҳал қилиш учун жамоатчиликни чекишнинг зараридан фаол тарзда огоҳлантириб бориш зарур. Чекувчилардан онглилик, чекмайдиганлардан эса амалдаги юридик базага мувофиқ ўз ҳуқуқларига риоя этилишини кузатиб бориш талаб этилади», — таъкидлади у.
Мао Цюньань тақиқ қачон амалга киришини аниқлаштирмади.
Пекинда жамоат жойларида чекканлар 200 юан (29 доллар) жаримага тортилади.
Изоҳ (0)