АҚШ хусусий инструкторлари Чеченистондаги махсус бўлинмалар кучларини тайёрлаш халқаро ўқув марказига ишга қабул қилиниши мумкин. Бу ҳақда республика раҳбари Рамзан Қодиров маълум қилди, дея хабар беради «Интерфакс».
«Биринчи босқичда 200 нафаргача инструкторни жалб этиш мўлжалланмоқда. Улар дунёдаги энг яхши мутахассислар», — дея таъкидлади Қодиров.
Тузилаётган марказ раҳбари Даниил Мартиновга таяниб, Қодиров америкалик хусусий инструкторлардан ҳам 10 га яқин талабнома тушганини билдирди.
«Ҳаммаси таниқли, ўз ишининг устаси бўлган одамлар. АҚШда Лотин Америкаси, Осиё, Африкадаги ошкора ва махфий операцияларда иштирок этиб, бой тажриба тўплаган мутахассислар борлигини инкор этиб бўлмайди», — дея бунга муносабат билдирди Чеченистон раҳбари.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)