Туркия ҳукумати 15 июль кунги давлат тўнтаришига алоқадорликда гумонланиб, яна 15 мингга яқин қуролли кучлар офицерлари ва давлат хизматчилари ишдан ҳайдалгани, шунингдек, 500 дан ортиқ ташкилотлар ва оммавий ахборот воситалари ёпилганини маълум қилди. Бу ҳақда Reuters агентлиги расмий декретга таяниб хабар қилди, деб ёзади «ТАСС».
Ишдан бўшатилганлар орасида 1988 нафар ҳарбий, 7586 полициячи, 403 жандарм ва 5000 дан зиёд хизматчи фуқаролар бор. Шу тариқа, Туркияда давлат тўнтаришига уринишдан буён давлат хизматидан ҳайдалганларнинг умумий сони 110 минг кишига етди.
Декрет 550 дан ортиқ ташкилотлар ёпилишини ҳам назарда тутади, улар орасида 18 та хайрия ташкилотлари, шунингдек, тўққизта ОАВлар бор.
Изоҳ (0)