Литва президенти Даля Грибаускайтедан 5 миллион евро талаб қилган мамлакатнинг Аникшчяйск туманида яшовчи 23 ёшли Юстинас Сурвила тамагирликка урингани учун шартли равишда озодликдан маҳрум этилди. Бу ҳақда «ТАСС» хабар бермоқда.
Ҳуқуқбузар 4 йилга озодликдан маҳрум этилди, бироқ айбини тўлиқ тан олгани ва қилмишидан пушаймон эканлигини ҳисобга олиб, суд жазони учдан бирига — 2 йил ва 8 ойгача қисқартирди. Унинг аввал судланмаганини ҳисобга олиб, маҳкама жазодан кўзда тутилган мақсадга қамоқда сақлашсиз ҳам эришса бўлади, деган қарорга келди. Жазони ўташ 1,5 йилга кечиктирилди.
Сурвила шу йил 25 февралида мобил телефон орқали президент маъмуриятига Литвадаги бир неча мактабда бомба портлатиш билан таҳдид қилинган хабар жўнатганди. Бу ниятидан воз кечиши учун эса президент Даля Грибаускайтедан 5 миллион евро талаб қилган.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)