Новосибирскдаги «Вектор» вирусология ва биотехнология давлат маркази томонидан ишлаб чиқилган Эбола безгагига қарши вакцина клиник синовининг иккинчи босқичи муваффақиятли ўтмоқда ва 8 декабрда якунланиши керак. Бу ҳақда «Роспотребнадзор» раҳбари Анна Попова маълум қилди, дея хабар беради «ТАСС».
«Биз 8 декабрда иккинчи босқични якунлаб, шундан сўнг рўйхатдан ўтказиш учун ҳужжатларни тақдим этишимиз лозим. Ҳаммаси режалаштирилгандек кетяпти, натижа аъло даражада дейиш мумкин»,— дея таъкидлади Попова.
Россияда Эболага қарши вакцина клиник синовларининг биринчи босқичи жорий йил июнида тугаган ва 8 сентябрда иккинчи босқич бошланганди.
Маълумот учун, Ғарбий Африкада авж олган Эбола безгаги қурбонлари сони 11 минг кишидан ошиб кетди, 28 мингдан ортиқ киши касалликка чалинган. Ўлим ҳолатларининг аксарияти Либерия, Сьерра-Леоне ва Гвинеяда кузатилган.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)