Швейцария банклари 16 ноябрь, чоршанба куни 1956 йилдан бери талаб қилинмаган жамғармаларнинг 300 га яқин эгаси рўйхатини эълон қилди. Гап жами 8 миллион франкдан (тахминан 8,03 миллион доллар) иборат сумма ҳақида кетмоқда. Бу ҳақда мамлакат банклар ассоциацияси маълум қилди, дея хабар беради «ТАСС».
Йил давомида улар ўз ҳуқуқлари ҳақида билдириши керак. Агар ҳисоб рақам 1954 йилда очилган бўлса, буни 5 йил давомида амалга ошириш мумкин. Мазкур муддат давомида ваколатли шахслар томонидан талабнома берилмаган тақдирда, маблағлар охирги муддат якунланганидан сўнг икки йил мобайнида Швейцария ҳукуматига ўтказиб берилиши лозим.
«Мудроқ ҳисоб рақамлар» эгаларининг рўйхати мамлакатда илк бор ўтган йили эълон қилинганди. Кучга кирган янги қонунчиликка кўра, банклар камида 60 йил аввал алоқа узилган жамғарма эгаларини қидириш учун шундай йўл тутиши талаб этилади. Гап фақат жамғармаси 500 франк ва ундан юқори бўлган мижозлар ҳақида кетмоқда.
Швейцария банклар ассоциациясига кўра, 2015 йил декабридан бери ўтган йили чоп этилган рўйхатдаги ҳар бир 20-мижоз ёки унинг меросхўри ўз ҳуқуқларини маълум қилган. Рўйхатда 1955 йилдан бери ҳаракатсиз 2,6 мингдан ортиқ банк рақамларидаги умумий ҳисобдаги 44 миллион франкга яқин сумма ҳақида маълумот берилган.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)