Волгоград шаҳрида ёш аёл пластик операция чоғида ҳаётдан кўз юмди. Бу ҳақда Россия Тергов қўмитаси вилоят бошқармаси вакили Наталия Куницкая маълум қилди, дея хабар беради «ТАСС».
«Волгограднинг Марказий туманидаги тиббий косметология клиникасида операция чоғида 23 ёшли мижоз вафот этди. Мазкур ҳолат юзасидан Жиноят кодексининг ‘Хавфсизлик талабларига жавоб бермайдиган ва эҳтиётсизлик оқибатида ўлимга олиб келган хизматлар кўрсатиш’ моддаси бўйича жиноий иш қўзғалди», — дея таъкидлади Куницкая.
Тергов маълумотларига кўра, операция давомида мижозга турли дори препаратлари киритила бошланган. Шундай уколлардан бирини олгандан сўнг аёлда талваса бошланди. Чақирилган тез тиббий ёрдам шифокорларининг уринишлари ҳам наф бермади ва мижоз операция столида оламдан ўтди.
Аёлнинг жасади суд-тиббий экспертизага жўнатилган.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)