Россия мудофаа вазирлиги расмий вакили генерал майор Игорь Конашенков, «Адмирал Кузнецов» крейсери авиақанотидаги Су-33 қирувчилари Суриянинг Идлиб провинциясида камида 30 нафар жангарини йўқ қилганини айтди, деб ёзади «Газета.ru».
«Ўтган сешанба куни ялпи оловли ҳужум чоғида ‘Жибҳат ан-Нусра’ жангариларига жиддий зарар етказилди. ‘Адмирал Кузнецов’ крейсери авиақаноти таркибидаги Су-33 қирувчилари томонидан берилган зарбалар натижасида Идлиб провинциясида ‘Жибҳат ан-Нусра’ гуруҳининг йирик қисми йўқ қилинди», — деди Конашенков.
Мудофаа вазирлиги вакили, шунингдек, камида 30 нафар террорчининг ўлимини разведка ҳам тасдиқлаганини таъкидлади. Улар орасида таниқли дала қўмондонлари Муҳаммад Ҳилол, Абу Жабар Хармужа ва Абул Баҳа Ал-Асфарий ҳам бор.
Изоҳ (0)