Жанубий Африка Республикасининг Anglo American тоғ-кон холдинги ишлаб чиқаришни тўхтатиб, Чили марказидаги Лос-Бронсес кони ҳудудидан 1,5 минг ходимни эвакуация қилишга қарор қилди, деб ёзади «ТАСС». Бундай қарор норозилик намойишига чиққан кончилар шахтани эгаллаб олгач, қабул қилинди.
Компаниядагилар таъкидлашича, «юзага келган шароитлар ишчиларнинг хавфсизлигини таъминламаслиги» сабабли, улар эвакуация қилинади.
Reuters маълумотларига кўра, капюшон кийиб олган 100 га яқин номаълум кимсалар 16 ноябрь, чоршанба куни эрталаб Anglo American компаниясининг Чилидаги энг йирик конига ҳужум қилиб, баррикадалар қуриб олган ва ишни тўхтатиб қўйган.
Касаба уюшмалари билан музокаралар самарасиз бўлди — улар намойишчиларнинг шахсларини ошкор қилишни истамади. Прокуратура ҳодиса юзасидан текширув олиб бормоқда.
Изоҳ (0)