АҚШнинг янги сайланган президенти Дональд Трамп вазифасига киришишга улгурмасдан, президент маошидан воз кечиб бўлди, деб ёзади «ТАСС». Бунгача АҚШ президентларидан Жон Кеннеди ва Герберт Гувер ҳам худди шундай иш тутган эди.
Forbes шу йил сентябрда тақдим этган маълумотларга кўра, Трампнинг давлати 3,7 миллиард долларга тенг. Дунёдаги «энг камбағал президент» бўлиб эса узоқ вақтдан буён Уругвай раҳбари Хосе Мухика саналган. Йилига 144 минг долларлик маошининг катта қисмини у хайрияга сарфлаган.
«ТАСС» дунёнинг турли мамлакатларидаги президентлар қанча маош олиши ҳақидаги маълумотларни тўплади (рақамлар яхлитланган).
- АҚШ, Барак ва Мишель Обама — йилига 400 минг доллар
- Италия, Сержо Маттарелла — йилига 230 минг евро
- Германия, Йоахим Гаук — йилига 227 минг евро
- ЖАР, Жейкоб Зума — йилига 194 минг евро
- Франция, Франсуа Олланд — йилига 179 минг евро
- Мексика, Энрике Пенья Ньето — йилига 150 минг доллар
- Аргентина, Маурисио Макри — йилига 120 минг евро
- Кения, Ухуру Кениата — йилига 117 минг евро
- Португалия, Марселу Ребелу де Соуза — йилига 86 900 евро
- Литва, Даля Грибаускайте — йилига 86 100 евро
- Жазоир, Абдулазиз Бутефлика — йилига 76 минг евро
- Словакия, Андрей Киска — йилига 64 512 евро
- Польша, Анжей Дуда — йилига 54 156 евро
- Украина, Пётр Порошенко — йилига 11 640 доллар
Изоҳ (0)