Дунёда 420 миллиондан ортиқ киши жиддий оқибатларга, жумладан, жигарнинг ишламай қолишига олиб келиши мумкин бўлган, шунингдек, мамлакат иқтисодиётига салбий таъсир ўтказадиган касаллик — диабетдан азоб чекади. Бу ҳақда БМТ бош котиби Пан Ги Мун Халқаро диабетга қарши кураш куни муносабати билан эълон қилган ёзма мактубида маълум қилди, деб ёзади «ТАСС».
Унинг сўзларига кўра, «йилдан йилга диабет янада кенг тарқалмоқда, бунга асосан аҳолининг кексайиши ва семириш муаммосининг ўсиши сабаб бўлмоқда». БМТ бош котиби маълум қилишича, касаллар сони сўнгги 35 йил ичида қарийб икки марта кўпайган, энг катта ўсиш кўрсаткичлари эса ўртача ва паст даражадаги даромадли мамлакатларда кузатилган.
БМТ маъмурий раҳбари бугунги кунда диабет бутун дунё бўйича кўрлик ва кўриш қобилиятини йўқотишнинг асосий сабаби бўлиб хизмат қилишини эслатди.
Халқаро диабетга қарши кураш куни муносабати билан, Пан Ги Мун мамлакатлар ҳукуматларини касалликни профилактика қилиш ва даволашга эътибор қаратишга чақирди.
Изоҳ (0)