Камида 196 киши АҚШда Дональд Трампнинг АҚШ президенти этиб сайланганига қарши оммавий норозилик акцияларининг учинчи кунида полиция участкаларига тушди, деб ёзади «Интерфакс».
Хусусан, Калифорния штатининг Лос-Анжелес шаҳрида 185 киши, Окленд шаҳрида яна 11 киши ҳибсга олинди. Лос-Анжелес мэри Эрик Гарсетти сўзларига кўра, «одамларнинг жуда, жуда кичик гуруҳигина» талон-тарож ҳаракатларини амалга оширган ва кўчадаги ҳаракатни тўсиб қўйган. Мэр, шунингдек, жамоатчилик тартибига риоя қилган минглаб намойишчилар юзасидан фахр билдирди.
Лос-Анжелесдаги норозилик акциялари натижасида бир киши — полиция офицери жабрланди.
Оклендда эса намойишчилар ахлат қутиларини ёқиб юборди, витриналарни синдирди ва биноларга граффити чизди. 11 ноябрь, жумага ўтар кечаси намойишчиларнинг катта қисми Окленд мэрияси олдидаги майдонга тўпланди ва Трампнинг сайланишига қарши шиорларни бақириб айтди.
Оклендда жами мингга яқин киши акцияда қатнашгани хабар берилмоқда.
Изоҳ (0)