Android 7.0 га ўтишдаги юқори тезлик LG компаниясининг фойдаланувчи ва маҳсулотларни самарали қўллаб-қувватлашидан далолат беради, бу компаниянинг смартфонлар бозоридаги устун томони ҳисобланади.
LG Electronics (LG) компанияси Жанубий Кореяда LG G5 смартфонларининг операцион тизимини Android 7.0 Nougat версиясигача янгилаш ишларини бошлади. LG V20 модели намойишидан сўнг LG компанияси Android Nоугатъда қурилма чиқарган биринчи ишлаб чиқарувчи бўлди. LG бундан аввал Android Marshmallow операцион тизимида ишлаб чиқарилган смартфонларни Nougat версияга янгилашни таклиф қилмоқда.
Операцион тизимни янгилаш Жанубий Кореядан кейин Шимолий ва Жанубий Америка, Осиё ва бошқа минтақаларда ҳам жорий қилинади. LG G5 смартфони эгалари янгиланиш тизимининг ўрнатишга тайёр эканлиги ҳақида хабар олади. Қўшимча маълумотлар келгуси ҳафталарда ҳар бир мамлакатга алоҳида тақдим этилади.
Android 7.0 Nougat самарадорликни ошириш ва LG G5 смартфонлари фойдаланувчиларига қулайлик яратишга йўналтирилган бир қатор янги функцияларга эга. Масалан, In Apps функцияси қурилмага ўрнатилган дастурлар бўйича қидирувни амалга оширади. Янги кўп деразали интерфейс икки марталик босиш орқали бир дастурдан бошқасига ўтиш ҳамда бир экранда икки дастурни ишга тушириш имконини беради. Кенгайтирилган персонал созламалар ва ақлли хабарлар смартфонлардан фойдаланиш самарадорлигини оширади.
«LG компанияси ўз истеъмолчиларига энг яхши, энг замонавий мобил технологиялар кераклигини яхши билади», — таъкидлади LG Mobile компанияси вице-президенти, тадқиқотлар ва ривожлантириш бўлими раҳбари Ким Хён Жанг.
LG Интернет тармоқларида:
FacebookРеклама ҳуқуқи асосида
Изоҳ (0)