Россиянинг Архангельск вилоятида овчилар гуруҳи браконьерлар ўрмонга ўрнатган қопқондан ўн ойлик айиқ боласини озод қилди, деб ёзади «ТАСС» ҳудудий табиий ресурслар ва ўрмон саноати мажмуаси вазирлигига таяниб.
«Айиқчанинг бўйни ва олд панжаси арқонга ўралиб қолган эди. Овчилар айиқ боласини эҳтиёткорлик билан бўшатди. Жониворнинг ҳеч қаери лат емаганди, ва у шу заҳотиёқ ўрмонга қочиб кириб кетди», — дейилади хабарда.
Қутқарув операцияси иштирокчиси овчилик назорати нозири Игорь Савинскийнинг сўзларига кўра, айиқча тўладан келган бўлиб, яқин орада қишки уйқуга кетиши мумкин.
Вазирлик эслатишича, бундай қопқонлардан фойдаланиб ов қилиш 6 ойгача ҳибс билан жазоланиши мумкин.
Изоҳ (0)