АҚШнинг Филадельфия штатида полиция АҚШ президентлигига демократик партиядан номзод Ҳиллари Клинтон штаби ходимларининг учта компьютерини ўғирлашда гумонланган 27 ёшли эркакни ҳибсга олди, деб ёзади «РБК». Тартиб посбонлари, шунингдек, ўғирланган ноутбукларни ҳам топган.
Техника Даймонд-стритдаги уйлардан бири тинтув қилиниши натижасида топилган. Терговчилар маълум қилишича, эркак «катта жиноий ўтмишга эга».
АҚШ миллий хавфсизлик вазирлиги вакиллари айтишича, ўғрилик тамоман тасодифий бўлган ва эркак ўз «ўлжалари» сайловолди кампаниясига алоқадор эканлигини билмаган.
Ноутбуклар 4-ноябрь куни ўмарилган эди. Ўшанда Клинтон штаби ходимлари ўз автомобилини тураргоҳда қолдириб, ўзлари бир нечта даҳа наридаги ресторанга жўнаган. Номаълум кимсалар эса автомобиль ойналарини синдириб, машинада қолдирилган рюкзаклар ва компьютерларни олиб кетган.
Изоҳ (0)