Саудия Арабистони расмийлари Эрон ишлаб чиқариш ҳажмини чеклашга кўнмаса, нефть қазиб олишни кўпайтириши ва хом ашё нархини пасайтириб юборишини маълум қилди. Бу ҳақда 28—29 октябрь кунлари бўлиб ўтган ОПЕК учрашуви баҳсларидан хабардор манбаларга таяниб, Reuters маълум қилди, дея хабар беради «ТАСС».
«Саудияликлар ўзларининг ишлаб чиқариш кўрсаткичларини суткасига 11—12 миллион баррелгача кўтариш, нархни пасайтириб юбориш ва йиғилишни тарк этиш билан таҳдид қилди», — дея таъкидлаган манбалардан бири.
Охир-оқибат учрашувнинг бошқа қатнашчилари Ар-Риёд вакилларини нуқтаи назарларини ўзгартиришга муваффақ бўлгани айтилмоқда. Саудия Арабистони делегатлари Эрон вакиллари қазиб олиш ҳажмини чеклашни истамасликларини билдирганидан сўнг шундай баёнот берди.
Изоҳ (0)