Пентагон октябрь ойида «Ал-Қоида» террорчилик гуруҳи етакчиларидан бири Фарруҳ ал-Каҳтоний Афғонистон шарқида йўқ қилингани ҳақидаги маълумотни тасдиқлади, деб ёзади «Интерфакс».
«Америкалик ҳарбийлар томонидан 23 октябрь куни Афғонистоннинг Кунар шаҳрида мўлжаллаб ўт очилиши натижасида ‘Ал-Қоида’ бошлиқларидан бири Фарруҳ ал-Каҳтоний йўқ қилинганини тасдиқлашга тайёрмиз. У ‘Ал-Қоида’нинг шарқий Афғонистондаги тармоғи раҳбари ва АҚШга қарши ҳужумларнинг асосий ташкилотчиларидан бири бўлган», — дейилади АҚШ мудофаа вазирлиги расмий вакили Питер Кукнинг баёнотида.
Пентагон ўша куни бошқа зарба натижасида ҳалок бўлган Афғонистондаги «Ал-Қоида»нинг яна бир етакчиси Билол ал-Мутайбийнинг ўлими ҳақидаги маълумотларни текширмоқда.
Эслатиб ўтамиз, аввалроқ Афғонистон расмийлари «Ал-Қоида» террорчи гуруҳининг икки етакчиси йўқ қилинганини тасдиқлаган эди.
Изоҳ (0)