Буюк Британия ташқи ишлар вазири Борис Жонсонга полиция Лондонда велосипедда учишни тақиқлаб қўйди, деб ёзади TJournal. Пойтахтга мэрлик қилган чоғларида айнан Жонсон ушбу транспорт турини ривожлантириш учун кўп ишлар қилди, ишга велосипедда бориш одати эса уни жуда машҳур қилиб юборди.
Тақиқ июлдаёқ, Жонсон вазир этиб тайинланганидан сўнг қўйилган эди, аммо у узоқ вақт давомида соқчилик хизмати талабларига эътибор бермасликка уринди, полиция эса ўз тақиқида қатъий туриб олди ва у бу ҳолда террорчилар учун осон нишонга айланишини таъкидлади.
Яхши жисмоний формани сақлаб туриш учун 52 ёшли вазир энди велосипедда учиш ўрнига югуриш билан шуғулланмоқда — шаҳарликлар уни эрта тонгда Сент-Жеймс боғида суратга туширишга ҳам улгурди.
Изоҳ (0)