АҚШ президенти Барак Обама Суданга нисбатан санкцияларни яна бир йилга узайтирди. Бу ҳақда «Интерфакс» хабар бермоқда.
«Судан ҳукуматининг ҳаракатлари ва олиб бораётган сиёсати АҚШ миллий хавфсизлиги ва ташқи сиёсатига фавқулодда хавф кўрсатишда давом этмоқда», — дейилади Обама АҚШ Конгрессига йўллаган билдиришномада.
Ўз навбатида, АҚШнинг Судандаги элчихонаси санкцияларнинг узайтирилиши «техник масала» экани ва бу санкциялар «келажакда исталган вақтда» юмшатилиши мумкинлигини маълум қилган.
Судан диний ақидапарастларни қўллаб-қувватлагани учун, АҚШ 1997 йили мазкур мамлакатга нисбатан савдо эмбаргосини жорий этган. 1990 йилларнинг ўрталарида «Ал-Қоида» етакчиси Усома бин Ладен Судан пойтахти Хартумда яширинча истиқомат қилган, деб ҳисобланади.
Суданда 2003 йилдан бери миллатлараро тўқнашувлар давом этмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)