Жанубий Корея президентининг дугонасини ўлдирмоқчи бўлган эркак прокуратурага экскаваторда келди

Ўрта ёшлардаги эркак Сеулнинг Сочхо-дон прокуратураси биносига экскаватор билан босиб борди. «ТАСС» хабарига кўра, Жанубий Корея президенти Пак Кин Хенинг дугонаси, йирик коррупция можаросининг асосий иштирокчиси сифатида кўрилаётган Чхве Сун Силни ўлдириш ниятида бўлган тартиббузар полиция томонидан ҳибсга олинган.

«Ҳибсга олинган шахснинг маълум қилишича, у бу ерга Чхве Сун Сулни ўлдириш учун келган», — деди журналистларга ҳуқуқни муҳофаза қилиш органларидаги манба.

Полиция ахборотига кўра, тартиббузар прокуратура биносига киришдаги шлагбаумни бузиб, сўнг бино деворига бориб урилган. Уни тўхтатиб қолишга уриниб, газ тўппончасидан икки марта ўқ узган қўриқчи жиддий жароҳат олган. Президентнинг дугонаси эса ҳали ҳам тергов ҳибсхонасида сақланмоқда.

Сеул прокуратураси душанба куни мамлакат президентининг дугонаси Чхве Сун Силни ҳибсга олди. У президентлик ҳокимиятини суиистеъмол қилиш ишининг асосий иштирокчиларидан бири бўлиб турибди. У сўроқ вақтида ўзига қўйилган қатор айбловларни, хусусан, жамоатчилик жамғармалари пулларини қонунга зид сарфлаганлигини рад этди.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.