Britaniya tashqi ishlar vaziriga Londonda velosipedda yurishni taqiqlashdi
Buyuk Britaniya tashqi ishlar vaziri Boris Jonsonga politsiya Londonda velosipedda uchishni taqiqlab qo‘ydi, deb yozadi TJournal. Poytaxtga merlik qilgan chog‘larida aynan Jonson ushbu transport turini rivojlantirish uchun ko‘p ishlar qildi, ishga velosipedda borish odati esa uni juda mashhur qilib yubordi.
Taqiq iyuldayoq, Jonson vazir etib tayinlanganidan so‘ng qo‘yilgan edi, ammo u uzoq vaqt davomida soqchilik xizmati talablariga e’tibor bermaslikka urindi, politsiya esa o‘z taqiqida qat’iy turib oldi va u bu holda terrorchilar uchun oson nishonga aylanishini ta’kidladi.
Yaxshi jismoniy formani saqlab turish uchun 52 yoshli vazir endi velosipedda uchish o‘rniga yugurish bilan shug‘ullanmoqda — shaharliklar uni erta tongda Sent-Jeyms bog‘ida suratga tushirishga ham ulgurdi.
