АҚШ президентлигига сайловларга саноқли кунлар қолганда Федерал қидирув бюроси (ФҚБ) яна Ҳиллари Клинтоннинг электрон ёзишмалари бўйича иш терговига қайтди. Бу ҳақда муассаса директори Жеймс Комига таяниб, The Washington Post маълум қилди, дея хабар беради TJournal.
Жеймс Коми Конгресс палаталари раисларига «яқиндагина Клинтон иши бўйича терговга алоқадор бўлиши мумкин мактублар мавжудлигидан хабар топгани» билдирилган хат йўллади.
The New York Times нашрига кўра, ФҚБ директори таъкидлаган янги мактублар Клинтоннинг ёрдамчиси Хума Абердин компьютеридан унинг турмуш ўртоғи Энтони Винерга нисбатан тергов доирасида топилган.
ФҚБ Ҳиллари Клинтон Давлат котиби бўлиб ишлаб турганида унинг шахсий серверидан жўнатилган электрон мактубларда махфий маълумотлар бўлган ёки йўқлигини текширади.
Изоҳ (0)