AQSh prezidentligiga saylovlarga sanoqli kunlar qolganda Federal qidiruv byurosi (FQB) yana Hillari Klintonning elektron yozishmalari bo‘yicha ish tergoviga qaytdi. Bu haqda muassasa direktori Jeyms Komiga tayanib, The Washington Post ma’lum qildi, deya xabar beradi TJournal.
Jeyms Komi Kongress palatalari raislariga “yaqindagina Klinton ishi bo‘yicha tergovga aloqador bo‘lishi mumkin maktublar mavjudligidan xabar topgani” bildirilgan xat yo‘lladi.
The New York Times nashriga ko‘ra, FQB direktori ta’kidlagan yangi maktublar Klintonning yordamchisi Xuma Aberdin kompyuteridan uning turmush o‘rtog‘i Entoni Vinerga nisbatan tergov doirasida topilgan.
FQB Hillari Klinton Davlat kotibi bo‘lib ishlab turganida uning shaxsiy serveridan jo‘natilgan elektron maktublarda maxfiy ma’lumotlar bo‘lgan yoki yo‘qligini tekshiradi.
Izoh (0)