27 октябрь куни Тожикистон пойтахти Душанбе шаҳрида 2017 йили Хитойда бўлиб ўтадиган 19 ёшгача бўлган қизлар ўртасидаги Осиё чемпионати саралаш босқичининг «B» гуруҳи ўйинларига старт берилди, деб хабар бермоқда ЎФФ матбуот хизмати.
Ушбу гуруҳдан ўрин олган Ўзбекистон U-19 қизлар терма жамоаси дастлабки учрашувда Тожикистон қизларига қарши майдонга чиқиб, 3:0 ҳисобидаги ғалабга эришди.
Учрашувнинг 23-дақиқасида Шаҳноза Қурбонова ҳисобни очган бўлса, Шоира Қултўраева 67-дақиқада ҳисобни 2:0 кўринишига олиб келди. Орадан тўрт дақиқа ўтгач, жамоа сардори Малика Бурхонова ҳам ўз ҳисобига гол ёзиб қўйишга муваффақ бўлди.
Ўзбекистон U-19 қизлар термасининг гуруҳдаги навбатдаги учрашуви 31 октябрь куни Хитой Тайпейига қарши бўлиб ўтади.
U-19 қизлар ўртасидаги Осиё чемпионати саралаши
Изоҳ (0)