Америкалик ҳарбий вингсьютда парвоз қилаётганида 145 км/соат тезликда дарахтга урилди

29 сентябрь куни калифорниялик ҳарбий хизматчи Эрик Доссантос Франциянинг Шамони-Мон-Блан шаҳри яқинидаги тоғдан вингсьютда (қанотли либос шаклидаги парвоз ускунаси) тушиш ҳаракатини амалга оширди. Аммо парвоз муваффақиятсиз якунланди, деб хабар беради TJournal.

Эрик 145 километр/соат тезликда дарахтга урилиб, кўплаб жароҳатлар олди. Унинг кураги ва уч қовурғаси синди. Бундан ташқари, у бошидан жиддий жароҳат олди.

Эрикнинг суғурта компанияси даволаниш харажатларини қоплашдан бош тортгани боис унинг дўстлари GoFundMe’да маблағ тўплаш кампаниясини уюштирди. 7500 доллар зарур бўлган бир пайтда ҳозирча 175 доллар тўпланди.