Голливуднинг шон-шуҳрат хиёбонида қурилиш хизмати кийимида бўлган эркак АҚШ президентлигига номзод Дональд Трамп шарафига қўйилган юлдузни шикастлади. У бунинг учун болға ва кетмонга ўхшаш асбобдан фойдаланган, дея хабар беради Tjournal.
Ҳодиса 26 октябрь, чоршанба куни эрталаб рўй берди. Deadline нашрига кўра, Жейми Отис хиёбондаги Трамп номи туширилган юлдузни чиқариб олиб, аукционда сотмоқчи бўлган. Тушган маблағни эса миллиардерни турли йилларда тегажоқликда айблаган 11 нафар аёлга топширишни режалаштирган.
Ўткинчилардан ҳеч бири Отисни тўхтатишга ҳаракат қилмади. У юлдузга жиддий шикаст етказиб, Лос-Анжелес полицияси келгунча яширинишга улгурди.
Голливуд хиёбонидаги юлдузга Трамп 2007 йили, АҚШ телевидениеси орқали The Apprentice реалити-шоуси намойиш этилаётганда муносиб кўрилганди. Шу тариқа унинг қурилиш ва қимор бизнесида эришган ютуқлари эътироф этилган.
Изоҳ (0)