Буюк Британия ўз танклари, дронлари ва 800 нафар ҳарбий хизматчисини Шарқий Европага жойлаштиради. Бу ҳақда мамлакат мудофаа вазири Майкл Фэллон маълум қилди, дея хабар бермоқда «РБК».
Ҳарбий кучларни бошқа жойга кўчириш НАТО томонидан кўзда тутилган бир неча манёврларнинг дастлабкиси доирасида амалга оширилади.
Британия ҳарбийлари 2017 йил баҳорида Эстонияга жойлаштирилади, кейинроқ улар сафига Франция ва Дания кучлари ҳам қўшилади.
Ҳарбий хизматчилардан ташқари, Британиянинг «Челленжер 2» танклари ва пиёда қўшинлар учун мўлжалланган ҳарбий машиналари ҳам олиб келинади.
«Бу батальон мудофаага йўналтирилади, бироқ тўлиқ жанговар шай ҳолатда бўлади», — дея қайд этди Феллон.
Аввалроқ НАТОнинг ҳарбий етакчилари 2017 йил май ойига қадар Польша ва Болтиқбўйи мамлакатларига альянснинг 4 минг нафар ҳарбий хизматчисини жойлаштириш борасида келишиб олгани маълум бўлган эди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)