Amnesty International халқаро ҳуқуқ ҳимоячилари ташкилоти 100 баллдан 73 балл жамғарган Facebook ва WhatsApp мессенжерларини (иккиси ҳам Facebook компаниясига тегишли) энг ҳимояланган деб топди. Бу ҳақда «Ведомости» хабар бермоқда.
Ушбу йўналишда тузилган рейтингга жами 11 компаниянинг 16 энг оммалашган мессенжери киритилди. Иккинчи ва учинчи ўринларни iMessage, FaceTime ва Telegram бўлишиб олди.
Экспертлар биринчи галда сервисда шахсий ҳаёт дахлсизлиги ва онлайн-таҳдидлардан чўчимай фикрини билдиришнинг асосий усули — шифрлаш мавжудлигига эътибор қаратди. Рўйхатдаги 6 мессенжерга (WhatsApp, iMessage, FaceTime, Duo, Line ва Viber) end-to-end шифрлаш ўз-ўзидан киритилган.
Рейтингдаги охирги ўринни QQ ва WeChat (Хитой) эгаллади. Шунингдек, Blackberry Messenger (end-to-end фақат алоҳида ҳақ эвазига) ва шифрлашга эга бўлмаган Skype, Snapchat мессенжерлари ҳам Amnesty International томонидан паст баҳоланди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)