Уммон элчиси билан ўзаро ҳамкорликни янада ривожлантириш истиқболлари муҳокама қилинди

Ўзбекистон Республикаси ташқи ишлар вазирлигида 22 октябрь, шанба куни Уммон султонлигининг Фавқулодда ва мухтор элчиси Муҳаммад Саид Муҳаммад ал-Лаватий билан учрашув бўлиб ўтди. Бу ҳақда ТИВ матбуот хизмати маълум қилди.

Мулоқот чоғида Тошкент шаҳрида 19 октябрь куни ўз ишини тамомлаган Ислом ҳамкорлик ташкилоти ташқи ишлар вазирлари кенгашининг 43-сессияси якунлари юзасидан фикр алмашилди. Элчи Ўзбекистоннинг ИҲТ ТИВKдаги раислиги муваффақиятли бошланганлиги билан табриклади.

Учрашувда давлатлар ўртасида ўрнатилган алоқаларни мустаҳкамлаш юзасидан таклифлар ва икки томонлама ҳамкорликни янада ривожлантириш истиқболлари муҳокама қилинди.