O‘zbekiston Respublikasi tashqi ishlar vazirligida 22-oktabr, shanba kuni Ummon sultonligining Favqulodda va muxtor elchisi Muhammad Said Muhammad al-Lavatiy bilan uchrashuv bo‘lib o‘tdi. Bu haqda TIV matbuot xizmati ma’lum qildi.
Muloqot chog‘ida Toshkent shahrida 19-oktabr kuni o‘z ishini tamomlagan Islom hamkorlik tashkiloti tashqi ishlar vazirlari kengashining 43-sessiyasi yakunlari yuzasidan fikr almashildi. Elchi O‘zbekistonning IHT TIVKdagi raisligi muvaffaqiyatli boshlanganligi bilan tabrikladi.
Uchrashuvda davlatlar o‘rtasida o‘rnatilgan aloqalarni mustahkamlash yuzasidan takliflar va ikki tomonlama hamkorlikni yanada rivojlantirish istiqbollari muhokama qilindi.
Izoh (0)