Тошкентда 16 октябрь куни ҳаво ҳарорати +22 даражадан ошмади

16 октябрь куни кундузи ва 17 октябрга ўтар кечаси Ўзбекистоннинг баъзи ҳудудларида ёмғир ёғди, тоғли ҳудудларида ёғингарчилик кузатилди.

«Ўзгидромет» маркази ахборотига кўра, фақат Самарқанд, Сирдарё, Қашқадарё, Сурхондарё вилоятларида ёғингарчилик кузатилмаган. Мамлакат бўйлаб шамол тезлиги сониясига 15—18 метргача кучайган.

16 октябрь куни кундузи Ўзбекистоннинг йирик шаҳарлари ва вилоят марказларида ҳаво ҳароратининг энг юқори кўрсаткичи қуйидагича бўлган: Урганчда +13 даража, Нукусда +14 даража, Бухоро, Навоийда +19 даража, Қаршида +21 даража, Тошкентда +22 даража, Жиззах, Андижон, Наманган, Фарғонада +23 даража, Самарқанд, Гулистонда +24 даража, Термизда +25 даража илиқ.

17 октябрга ўтар кечаси мамлакатнинг йирик шаҳарлари ва вилоят марказларида ҳаво ҳароратининг энг паст кўрсаткичи қуйидагича бўлди: Урганчда +7 даража, Нукус, Навоий, Самарқанд, Жиззах, Гулистонда +8 даража, Бухоро, Қаршида +9 даража, Тошкентда +10 даража, Андижон, Наманганда +11 даража, Термиз, Фарғонада +12 даража илиқ.

Маълумот учун, 18 октябрь куни Ўзбекистоннинг аксарият ҳудудларида ёғингарчилик бўлиши, ёмғир қорга айланиши кутилмоқда. Хусусан, Тошкент шаҳрида ҳаво ҳарорати кундузи +10...+12 даража илиқ бўлиши, кечга томон +4...+6 даража илиққача пасайиши мумкин.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.