Ўзбекистонда 19—20 октябрда ҳаво ҳарорати кечаси -2 даражагача совиши мумкин

Ўзбекистонда 19—20 октябрь кунлари ҳаво ҳарорати кескин совиши кутилмоқда. Бу ҳақда «Ўзгидромет» маркази хабар бермоқда.

Хабар беришларича, 19—20 октябрда ҳаво ҳарорати кечаси 0...+2 даража илиққача, баъзи жойларда -2...-1 даража совуққача пасайиши мумкин.

Айни вақтда, 19—20 октябрь кунлари кундузи ҳаво ҳарорати +8...+10 даража илиқ бўлиши айтилмоқда.

Маълумот учун, 15 октябрь куни Ўзбекистоннинг жанубида ҳаво ҳарорати +31 даражагача, Тошкент шаҳрида эса +23 даражагача кўтарилди.

«Ўзгидромет» ахборотига кўра, 17 октябрга ўтар кечаси Тошкент шаҳрида +10 даражагача, 17 октябрь куни кундузи эса +18 даражагача илиқ бўлиши кутилмоқда.

Бундан ташқари, 17—18 октябрь кунлари Ўзбекистон бўйлаб ёғингарчилик кутилмоқда, баъзи жойларда кучли ёғингарчилик қорга айланиши мумкин.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.