Тошкент учун 2011—2012 йиллар давомида Чехиядан олиб келинган замонавий Vario LF трамвайлари Самарқандга етиб келди. Бу ҳақда Facebook’даги «Самарқанд ва самарқандликлар» гуруҳида фотохабар қолдирилган.
«Самарқандга хуш келибсиз! Янги трамвай вагонлари шаҳарга етиб келди. Лекин бу — бор-йўғи тахмин. Бу Самарқанд орқали олиб ўтилаётган транзит юк бўлиши ҳам мумкин», — дейилади 17 октябрь, душанба куни эълон қилинган фотохабарда.
Хабар муаллифи Самарқанд вокзалида нечта трамвай вагони турганига аниқлик киритмаган. Суратларга қараб, уларнинг аниқ сонини билиб бўлмайди.
Эслатиб ўтамиз, Ўзбекистон Президенти вазифасини бажарувчи Шавкат Мирзиёев 2016 йил октябри бошида Самарқандга ташриф буюриб, 2017 йил Наврўз байрамигача шаҳарда трамвай ҳаракатини йўлга қўйиш ҳақида кўрсатма берган эди.
Қайд этиш жоиз, Самарқандда 1947—1973 йилларда ҳам электр трамвайлар қатнаган. Янги қурилажак трамвай йўли Сиёб бозорини Сартепа мавзеси билан боғлайди, бироқ қайси кўчалардан ўтиши ҳозирча расман маълум қилинмаган.
Фото: Самарқанднинг эски трамвайи
Қайта туғилиш: Самарқанд трамвайи тарихи
Самарқанднинг янги трамвайи қайси кўчалардан ўтади?
Тошкентликлар трамвай билан хайрлашмоқда
Фотогалерея: Тошкент трамвайининг интиҳоси
Тошкент трамвайининг 115 йиллик тарихига нуқта қўйилди
Изоҳ (0)