Нигерия расмийлари «Боко Ҳарам» тутқунлигидан озод қилинган 21 нафар ўқувчи қиз ушбу террорчи ташкилотнинг ҳибсда сақланаётган жангариларига алмаштирилгани ҳақидаги маълумотларни рад этди. Бу ҳақда «ТАСС» хабар бермоқда.
«Бу биз барча қизлар озод этилишига олиб келишига умид қилаётган жараёндаги илк қадам. Жангариларга қарши ҳарбий операция давом эттирилади», — дея таъкидлади мамлакат ахборот вазири Лай Муҳаммад.
Тутқунликдаги қизларнинг озод этилиши бўйича келишувга Швейцария ва Халқаро Қизил Хоч ташкилоти воситачилигида ўтган Нигерия расмийлари ҳамда «Боко Ҳарам» ўртасидаги музокаралар чоғида эришилди. Барча қизлар қўйиб юборилишига эришиш мақсад қилинган музокаралар давом этмоқда.
Маълумот учун, «Боко Ҳарам» жангарилари 2014 йили Чибок шаҳридаги лицейдан 276 нафар қизни ўғирлаб кетган. Кейинчалик улардан 57 нафари қочишга муваффақ бўлди, қолганлари эса эса жангарилар измида сақланаётганди.
Изоҳ (0)