Россиянинг Омск шаҳрида «Омскводоканал» ишчилари сув қувури таъмири чоғида мамонт скелетига дуч келди. Бу ҳақда Омск тарих-ўлкашунослик музейи табиат бўлими мудири, биология фанлари номзоди Вероника Никонова маълум қилди, дея хабар берди «ТАСС».
«Ишчилар катта ёшдаги, бироқ унчалик йирик бўлмаган мамонт суяклари тўпини 6 октябрь, пайшанба куни кечки пайт топди. Эртасига музейга умуртқа, бош, жағ, қовурға, билак ва тирсак суяклари етказилди. Сув қувури таъмири тўхтатилди. 10 октябрь, душанба кунидан у ерда археологлар ишлайди», — дея таъкидлади Никонова.
Музей директори Пётр Вибега кўра, бир жойда қадимий жонивор суякларининг тўпланиши ноёб топилма. Улар синчиклаб экспертизадан ўтказилади, сўнг кўргазмада намойиш этилади.
Изоҳ (0)