Yahoo! компанияси Reuters агентлигининг компания махсус хизматлар илтимосини бажариб, фойдаланувчиларни кузатиш учун махсус дастурий таъминот яратгани ҳақидаги хабарларини рад этди, деб ёзади «РБК».
Yahoo! ушбу хабарларни «ҳақиқатга тўғри келмайдиган» деб топди.
«Биз ҳукуматнинг фойдаланувчилар маълумотларини ошкор қилиш тўғрисидаги ҳар бир саволини пухталик билан ўйлаб кўрамиз ва буни минимумга олиб боришга ҳаракат қиламиз. Мақолада келтирилган почтани сканерлаш усули тизимимизда мавжуд эмас», — дейилади компания хабарида.
Аввалроқ Reuters агентлиги Американинг Yahoo! компанияси 2015 йилда АҚШ махсус хизматлари талабига бўйсуниб, фойдаланувчиларнинг электрон почталарига келаётган барча хатларни кўриш учун мўлжалланган дастурий таъминот ишлаб чиққанини хабар қилган эди. Агентлик манбаларига кўра, дастур матнли хабар ёки илова қилинган файл ичидаги керакли сўз ёки сўз бирикмасини топишга қодир.
Yahoo раҳбариятига қаратилган талаб Миллий хавфсизлик агентлиги ва Федерал қидирув бюроси номидан юборилган махфий кўрсатмада келтирилган. Уларнинг рухсати билан компания юз миллионлаб электрон хатларни таҳлил қилиб чиққан.
Изоҳ (0)