Бир гуруҳ покистонлик хакерлар Ҳиндистон махсус отрядлари баҳсли Кашмирнинг Покистон назорати остидаги қисмида операциялар ўтказгани ҳақидаги хабарлардан кейин, Ҳиндистонга тегишли 7 мингта сайтга ҳужум уюштирганини маълум қилди, деб ёзади «ТАСС». Хакерлар интернетда бузиб кирилган сайтлар рўйхатини тарқатмоқда.
Асосан, яхши ҳимояланган давлат сайтлари эмас, балки турли компания ва ташкилотлар веб-саҳифалари бундай ҳужумлар қурбонига айланди. Уларда бироз вақт давомида Pakistan Haxors Crew гуруҳи логотипи чиқиб турди ва Покистон ватанпарварлик қўшиқлари янгради.
Ушбу гуруҳ машҳур ҳинд сайтларига бузиб киргани билан таниқли, масалан, 2014 йилда Тожмаҳал мақбараси расмий сайти уларнинг ҳужумига учраган эди.
Изоҳ (0)