Toyota компанияси 3 октябрь куни инсон ҳиссиётларини тушунишга, у билан мулоқот қилишга ва мустақил ўқиб-ўрганишга қодир бўлган Kirobo Mini ёрдамчи роботи савдоси бошланадиган санани эълон қилди, деб ёзади TJournal.
Баландлиги 10 сантиметрга тенг робот Toyota 2013 йилда коинотга учирган Kirobo андроид-ёрдамчининг кичрайтирилган нусхаси бўлиб, у суҳбатдош ва кичик ёрдамчи вазифалари учун мўлжалланган.
Робот бироз бесўнақай кўринишга эга бўлиб, қилиқлари билан энди юришни ўрганган ёш болани эслатади. Унинг бундай нозик ва заиф қиёфаси робот ва одам ўртасида ҳиссий алоқа ўрнатишга ёрдам бериши керак.
Kirobo Mini смартфонга уланади, ҳар ойда у учун 3 долларлик тўлов тўланади. Ҳозирча робот фақат япон тилида гаплаша олади, бир марталик заряди эса 2,5 соатга етади.
Роботни 2017 йилдан бошлаб 39 800 иена (400 доллар)га харид қилиш мумкин бўлади.
Изоҳ (0)