Мумбай полицияси теракт хавфи туфайли юқори шайлик ҳолатига келтирилди
Ҳиндистоннинг Мумбай шаҳри хавфсизлик хизмати 2 октябрдан 31 октябргача бўлган даврда террорчилик ҳужумлари содир этилиши мумкинлиги ҳақидаги хабарлардан сўнг юқори шайлик ҳолатига келтирилди. Бу ҳақда Asian Age газетаси маълум қилди, деб ёзади «РИА Новости».
Мумбай полицияси терактлар учар бомбалар тариқасида қўлланувчи бошқарилувчи ракеталар, масофадан бошқариладиган енгил учар қурилмалар, дрон ва парапланлар ёрдамида амалга оширилиши мумкинлиги ҳақидаги огоҳлантиришни эълон қилди.
Полициянинг маълум қилишича, Мумбай ҳуқуқни муҳофаза қилиш органлари учувчисиз учар қурилмаларни кузатиш учун кучли бинокллар билан жиҳозланган. «Дрон ва учар қурилмалар масофадан кўринади. Диққат-эътиборимизга тушган ҳар қандай учар қурилмани кўрганда огоҳ бўлишимизга тўғри келади», — дейди полиция вакили.
