ХХ аср ўрталарида Испанияда «Кастельерс де Вилафранка» уюшмасига асос солинди, у ўз олдига қадимий Каталонияга хос Ball de Valencians («Валенсия рақси») анъанасини қайта тиклаш мақсадини қўйган эди, деб ёзади National Geographic. Ташкилотнинг бош қароргоҳи Вильяфранка-дель-Пенедес шаҳрида жойлашган: бу жонли миноралар қуриш учун атайлаб мослаштирилган бинодир.
«Кастельерс де Вилафранка»нинг фаолияти Каталония маданиятини сақлаб қолиш ва тарғиб қилишга ёрдам берди. Бу ўз навбатида дунёнинг турли мамлакатларидаги ташаббускорларни ўзига жалб қилди, эндиликда улар икки йилда бир марта Таррагонадаги Concurs de Castells фестивалида тўпланади.
Муайян рангда либос кийиб олган ҳар битта жамоа энг баланд «жонли» минора қуриш бўйича мусобақалашади. Ҳар битта конструкцияни барпо этишда 500 нафаргача кастельер қатнашади; тадбирда кўпинча иштирокчилар жароҳат олади. «Одамлар минораси»ни қуриш бўйича навбатдаги тадбир 1—2 октябрь кунлари бўлиб ўтди. Ёрқин томошани кўриш учун 25 минг киши ташриф буюрди, яна 750 минг киши ҳодисани телевизор орқали кузатди.
Изоҳ (0)