Hindistonning Mumbay shahri xavfsizlik xizmati 2-oktabrdan 31-oktabrgacha bo‘lgan davrda terrorchilik hujumlari sodir etilishi mumkinligi haqidagi xabarlardan so‘ng yuqori shaylik holatiga keltirildi. Bu haqda Asian Age gazetasi ma’lum qildi, deb yozadi “RIA Novosti”.
Mumbay politsiyasi teraktlar uchar bombalar tariqasida qo‘llanuvchi boshqariluvchi raketalar, masofadan boshqariladigan yengil uchar qurilmalar, dron va paraplanlar yordamida amalga oshirilishi mumkinligi haqidagi ogohlantirishni e’lon qildi.
Politsiyaning ma’lum qilishicha, Mumbay huquqni muhofaza qilish organlari uchuvchisiz uchar qurilmalarni kuzatish uchun kuchli binokllar bilan jihozlangan. “Dron va uchar qurilmalar masofadan ko‘rinadi. Diqqat-e’tiborimizga tushgan har qanday uchar qurilmani ko‘rganda ogoh bo‘lishimizga to‘g‘ri keladi”, — deydi politsiya vakili.
Izoh (0)