Британиянинг Оксфорд ва Кембриж университетлари, шунингдек, Лондон Университети ва Қироллик коллежи шифокорлари илк бор катта ёшдаги одамнинг ОИВдан даволаниб, соғайганлигини маълум қилди. Бу ҳақда The Sunday Times хабар берди.
ОИВ инфекциясидан 44 ёшли британиялик соғайди. У вирусга қарши махсус терапиядан муваффақиятли ўтган 50 кишидан бири бўлди.
Олимларнинг сўзларига қараганда, янги усул ОИВни нафақат вирус энг фаол бўлган ҳудудларда, балки бутун организм бўйлаб кузатиш ва йўқ қилиш имконини беради.
Тадқиқотлар натижасига кўра, даво муолажаларидан сўнг эркакнинг қонидаги вирус жуда кам эканлигидан таҳлиллар салбий натижа кўрсатган.
Олимларнинг таъкидлашича, улар таклиф қилаётган даво усули синовдан ўтмоқда ва кенг жорий этиш учун мўлжалланмаган.
Изоҳ (0)